पहाड़ हालत ख़राब हुणे,

पहाड़ हालत ख़राब हुणे,

मकान दिनों दिन बांज हूँणी,

बुड-बाड़ी घर में आश लगे रूनी,

कब घर आल म्यर नान...

यई आश बुड-बाड़ी लगे रुनी ।। ……….(1)

बुड-बाड़ी धेयी द्वारुं में टोप मार रूनी,

बाट-घ्वेंटा कें चाने-चिताने रूनी,

तली-मली जाणी पथिकों पूछने रूनी,

तली बटी ऐ-गोनल म्यर नान ..

येई आश बुड-बाड़ी लगे रुनी ।।……………(2)

बुड-बाड़ी आश-पड़ोस नानतिना कें,

अपुण नानतिना किस्स सुणोंनी,

नानछिना कशी लोट-पोट खेल्छी,

वार बटिक पार, धुरका-धुरुक नांच लागौन्छी,

यई सब याद कर बे बुड-बड़ी जी रूनी ।।………..(3)