हाय हाय रे म्यर पहाडा
म्यर पहाडा की छटा
धन्य मेरो जन्म भूमि
उत्तराखण्ड देव भूमि
हाय हाय रे म्यर पहाडा
म्यर पहाडा …………………….
पहाड़े देवी-देवत्याओं,
डान-काना में वासा,
इष्टों में इष्ट छिना
गोल्ज्यू महा देवा ।
हाय हाय रे म्यर पहाडा
म्यर पहाडा ..................
म्यर पहाड़ ऊँचा डाना
बर्फीलो पहाडा ........
के भलो छाजी राछो
हरियाली छोरा ...
हाय हाय रे म्यर पहाडा
म्यर पहाडा की छटा .....................
तल श्यारी मल श्यारी
खेत टुकूडी छन
खेतों मैजी मनुवा बोती
मनुवे की बहारा
हाय हाय रे म्यर पहाडा
म्यर पहाडा की छटा ........
ट्याडा-म्याडा गौं बाटा
गौं दूर बसी छन
के भलो म्यर गौं बाखेई
है रो छो छमा छम
हाय हाय रे म्यर पहाडा
म्यर पहाडा की छटा ........
रंग रंगीलो कुमाऊं म्यरो
छैल छबीलो गढ़वाल
पहाड़ में जनमा मेरो
सुफल हैगो भागा
हाय हाय रे म्यर पहाडा
म्यर पहाडा की छटा .....
No comments:
Post a Comment