म्यर पहाड़ के हाल हनौल,
सोच सोच बे परेशान छुं,
कतु भाल छि उ दिन ,
जब में स्कुल पड़ छि,
स्कुल बे एबे खेल हूँ जान्छी,
उं दिनों कें याद करनू
और सोच्नु के भलौ दिन छि,
आज सोच बे हैरान छुं,
म्यर पहाड़ के हाल हनौल ।
सोच सोच बे परेशान छुं,
घर-घर कुड़ी-बड़ी,
बंजर हैगिन
बाखेय-बाखेय में कोई निछु,
एक कुण में आम बैठी छू ,
आस लगे राखी ,
कभे आला म्यर नाती नतना,
यौ सोच बे हैरान छू
म्यर पहाड़ के हाल हनौल,
सोच सोच बे परेशान छुं,
}{पं. भास्कर जोशी }{
No comments:
Post a Comment