दडियोक म्यर किस्स

म्यर दगाडिया  याद उने दाज्यू

कतु भला दिन छिय ऊं

रति परी ब्याव तक

दगडियों दगे डोई रुन्छिया

स्कुल हैं दगड़ जंछिया

कानिम एक दुसर हाथ हौन्छी

मासाब अख़बार पण में मस्त रुछी

मैं-म्यर दगडी ब्यर खाहाँ हिट दिछि

ब्यर खण में मस्त है जांछी

स्कुल ले जाणो भूल गोछी

याद आई स्कुलेकी

दौडान दौडान स्कुल पूज दाज्यू

मसाबुले भौल मार चार सिकौड़

इज बाज्यू याद ऐ पड़ा

डाड़ मारने-मारने घर गाय

जेबन ब्यर इसके हया

आंखां में अंशु तहौड़ छि

कानिम लटकाई झौल छि

इजल पूछो के हो च्यला

रुने-रुने क मासाबुल मारी इजा

बौज्युल पूछो किले मारी

मेल क ब्यर खाहाँ जैरछी तब मारी

बौज्यू कें ले गुस आयो

चार सिकौड़ ऊं ले मरगाया

पिड़े मारी भूक ले हराय

जेबन ब्यर  इसके हाय

यो छियो  दडियोक म्यर किस्स

आज  ले ऊं दिना याद करणोई  दाज्यू