जनवरी 2016 स्टेट एजेंडा पत्रिका में प्रकाशित |
ऐ गईं उत्तराखंडक ठेकेदार
तलि बटी मलि तक
सुकिलो कफन पैरी छें
और उत्तराखंड कें
समशान पहुँचौणे लीजि तैयार छें
पांच साल में एक बार औनी
गौं-गौनु में भीख मांगनी
भीख मांग बेर भकार भरनी
भकार भरि बेर पम्म उगानी
और जनतागणि टाटा बाय-बाय कबेर
पछिल बाट् सर्रर्र खसिक जानी।
पांच साल बाद फिर लौट बेर ऊनि
नई-नई स्किम सुणे बेर भ्रम कर जानी
वोटक लिजी शराबक बोतल दगड नोट बाँट जानी
शराब पिबेर मेंस, मुनव उन्हां खुट स्वर्गहैं ताणी रौनी
घर में नानतिन बौज्यु राशन ल्याल कबेर बाट-बाटे आँख ताणी रौनी
यास विकास पहाड़ में जो कर जानी
उनुहुणि त नेता कौनी। प.भ.जो.
No comments:
Post a Comment