हिटो पहाड़ जूंला (गीत)

हिटो दाज्यू हिटो भुला, आपुणा पहाड़ जूंला।
बारो मांस रंग-रंगीलो के भलौ मान्युं छा ।

वार डाना पार डाना, हरियाली का छोरा ।
खेती पाती डावा बोटी, कोयले बुलाण कसी।
पितरों की पितर भूमि, म्यर पहाड़ देव भूमि ।
हिटो दाज्यू हिटो भुला, आपुणा पहाड़ जूंला............

ठंडी हवा ठंडो पाणी,बोट्यों की छ्वाणी।
तीज त्यौहार बारो मास, कौतिकों की रन-बन ।
देवों की देव भूमि, म्यर पहाड़  स्वर्ग भूमि ।
हिटो दाज्यू हिटो भुला,आपुणा पहाड़ जूंला............

म्यर पहाड़ डान-काना में, देवी बसी छन ।
दूनागिरी नैनादेवी मनसा देवी, सबे बसी छन ।
देवी-देवताओं कर्म भूमि, उत्तराखण्ड धर्म भूमि।
हिटो दाज्यू, हिटो भुला, आपुणा पहाड़ जूंला............

पं. भास्कर जोशी