2015 जान जाने कैगो

घूम फिर बे आजि जनवरी ऐगो
नई सालक 2016 कलेंडर दिगो।
2015 जान जाने कैगो
भुलिया झन याद करने रया कैगो।

साल भरक गणना करिया
के भूल चूक हैगेछि याद करिया।
2016 में गलती झन दोहराया
यस 2015 कलेंडर कैगो।

आपणा कें याद धरिया
फोन-सौन-ठोंन करने रया
हंसिया-खेलिया, द्वड मौट है जाया
यस 2015 कलेंडर कैगो।

बुजुर्गों सेवा करला, आशीर्वाद फई जो
दिन दुगुण, रात चौगुण तरक्की करो।
ईजा बौज्यु सेवा करो
यस 2015 कलेंडर कैगो

जान जाने त म्यर नसीहत याद धरिया
सब आपणे छिं ककेँ दुःख झन दिया
ख़ुशी द्यला, खुश होला, बरकत ह्वेली।
यस 2015 कलेंडर कैगो। -प.भ.जो.पागल