म्यर च्यला
किले मकें भूल गेछे तू
च्यला जब तू नान्ने छिये
तेरी इच्छा पूरी कर
जे त्वील कौय से कर
च्यला पली बटी
इजा बौज्यू सेवा करछिया
अब सेवा हराय
च्यल ब्वारी दुःख दिणी
कुनेयी ' घोड़ी दिल्ली जाएगी"
ब्या बाद में हूणों
दिल्ली लिजाण बात पीली हूनी
इजा बौज्यू कें दुःख दि बेर
आपुण पहाड़ कें छोड़ बेर
तुम परदेश बसी गेछा
च्यला ख़ुशी रया
खूब दैणी द्वार है जो
च्यला तुमारी ख़ुशी में
हमरी ख़ुशी बसी छू
च्याल एक बात जरुर कुँल
जबले हमरी याद आली
हम कें ले भेंट जये
हम कें ले भूल लागौल
म्यर च्यला
किले मकें भूल गेछे तू
भास्कर जोशी
No comments:
Post a Comment