बखत ख़राब छ्

दाज्यू के झन काया
बखत ख़राब छ्
न होय कया न ना कया
दाज्यू बखत ख़राब छ्।

य द्वी दिने पराणी
जसि तसि काटि जया
त नेतु रनकार हैं
न भल बुलाया न नौक बुलाया
दाज्यू बखत ख़राब छ्

दलाल ऊनि ब्लट, मुशो लिबेर
स्यार, गध्यार भीड़ उधेड़ लिजानी
ख्वार मुण मुणे करिबेर हिटने रया
उथाणि न देखिया न के कया
दाज्यू बखत ख़राब छ्

भिकुदा कुणोछी
भुला जमान पैली जस नी रै गोय
जब गों गाड़क एक-ठो है जांछि
अब पौर वाल लै  सुख दुःख देखि बेर जलनेईं
दाज्यू बखत ख़राब छ्।
भास्कर जोशी